Рамазан алдыннан Казан мәчетләрендә Коръән уку курслары башлана

 Дәресләр Татарстан мөфтияте һәм КИУның Госман ибне Гаффан исемендәге Коръән хафизлар әзерләү үзәге тарафыннан әзерләнгән махсус программа нигезендә оештырыла.

Курслар Рәҗәб аеның 1нче көнендә – 12 гыйнварда Казанның 9 мәчетендә башлап җибәрү ниятләнә (укучылар саныннан чыгып, мәчетләр исемлеге өстәлергә, тулыланырга мөмкин). Бу турыда Татарстан Диния нәзарәте хәбәр итте.

Болар — Казанның «Рәшидә» (Чәчәкле ур., 24), «Гаилә» (Җәүдәт Фәйзи урамы, 2), «Габдерәхим Утыз Имәни исемендәге Ал Таң» (Имәнлек ур, 2в), «Әниләр» (Газ ур., 18), «Казан нуры» (Фатих Әмирхан ур., 3 к2), «Иман нуры» (Дорожная ур., 32), «Нурислам» (Муса Бигиев ур., 36), Әхмәтзәки хәзрәт Сафиуллин ис. (Яңа Осиново тыкрыгы, 16а), «Әмәт» (Дача ур., 3а) мәчетләре.

Чыганак: "Татар-информ"