«Шәфкать»тә балаларга ярдәм итүнең яңа формалары

03 гыйнвар 2026 Мөршидә КЫЯМОВА

Түбән Кама районының «Шәфкать» халыкка социаль хезмәт күрсәтү комплекслы үзәгендә «Өй консультанты» балаларга һәм аларның гаиләләренә иртә ярдәм күрсәтү буенча күчмә хезмәт булдыру» проекты эшли башлады.

Биредәге чараларның тематикасы төрле мәсьәләләрне үз эченә ала. Мәсәлән, баланың физик һәм психик үсеше үзенчәлекләрен, дөрес тәрбияләү һәм туклануны оештыру буенча киңәшләр, шулай ук балалар белән үзара хезмәттәшлек итү һәм психологлар киңәшләре.

Онлайн-платформа белгечләргә әни-әтиләр сорауларына оператив җавап бирергә мөмкинлек бирә, дистанцион хезмәттәшлек өчен уңайлы шартлар тудыра. Шулай итеп, «Өй консультанты» проекты заманча технологияләрнең социаль яклау һәм кечкенә балалы гаиләләргә ярдәм итү системасына интеграциясенең уңышлы үрнәген күрсәтә, яшь буынның тормыш сыйфатын һәм иминлеген яхшыртуга ярдәм итә, дип хәбәр итә проектны тормышка ашыручылар.

Бу проект авыр тормыш хәлендә калган балаларга ярдәм фонды ярдәме белән гамәлгә ашырыла, социаль проблемаларны хәл итүдә инициативаның мөһимлеген һәм әһәмиятен ассызыклый.