Сәламәт яшәү – уртак бурыч

Кызганыч,  әти-әнисеннән кача-поса тәмәке тартучы егет-кызлар гел очрап тора. Әлеге начар гадәтнең нәрсәгә китереп җиткерүе турында ныклап уйлансалар, аларның күбесе бу начар уйдан кире кайтыр иде, билгеле. 
«Общее дело» («Уртак эш») проекты активисты педагог-психолог Роберт  Гатауллин белән очрашу вакытында 180 нче мәктәпнең 7Г, 7Д, 7Е класс укучылары  нәкъ менә шул хакта сүз алып бардылар.  Тәмәке тартуның  зыяны турында фильм караганнан соң, бу гадәтнең кеше тормышына тискәре йогынтысы турында фикер алышулар шактый уйланырлык нәтиҗәләргә китерде, укучыларны борчыган күп кенә   сорауларга җавап та шунда табылды.