Логотип Магариф уку
Цитата: Кадерле сүз ишетсәң, аклың артыр (Утыз Имәни)

Сергей Кравцов Студентлар көне белән котлады

25 гыйнварда Россиядә ел саен Россия студентлары көне, шулай ук Мәскәү университеты көне һәм барлык Татьяналарның туган көне билгеләп үтелә. Бу бәйрәм 2005 елдан Россия Президенты Указы нигезендә билгеләп үтелә.

РФ мәгариф министры Сергей Кравцов вузлар һәм колледж студентларын, шулай ук укытучыларны Студентлар көне хөрмәтенә үзенең котлауларын җибәрде. Ул студентларның ил үсешенә зур өлеш кертәчәгенә ышаныч белдерде. Котлау телеграммасы министрлыкның рәсми сайтында урнаштырылды.

«Бүген сез тормышыгызның мөһим һәм кызыклы этабында-сайланган һөнәр нигезләрен үзләштерәсез, кыйммәтле тәҗрибә туплыйсыз, яңа дуслар һәм булачак хезмәттәшләрегез белән танышасыз. Сезнең сыйфатлы белем һәм кирәкле һөнәр алу өчен барлык мөмкинлекләр дә бар. Мин ышанам, сезнең күбегез Ватаныбыз үсешенә зур өлеш кертәчәк», – диелә хәбәрдә.

Мәгариф министры педагогик югары уку йортлары һәм колледжларның барлык студентларына үзенең иң изге теләкләрен белдерде, аларны тырышлык, сабырлык, игътибарлылык һәм тапкырлык күрсәтергә өндәде. Ул шулай ук үз көчеңә ышанырга һәм зур уңышларга ирешү өчен авырлыкларны җиңәргә курыкмаска кирәклеген ассызыклады.

«Югары уку йортлары һәм колледж укытучыларын, остазларыгызны аерым котлыйсым һәм рәхмәт белдерәсем килә. Сезнең уяулыгыгыз, таләпчәнлегегез, әхлакый сыйфатларыгыз аркасында сез яшь студентлар өчен һөнәр алып баручылар гына түгел, ә булачак белгечләр өчен дә үрнәк буласыз», – дип өстәде Кравцов.


 

Язмага реакция белдерегез

0

0

0

0

0

Реакция язылган инде

Комментарийлар

БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ