Спортны программалаштыру буенча Татарстан чемпионатына теркәлү ачылды
Программалаштыру һәм мәгълүмати куркынычсызлык өлкәләрендә алгоритмик һәм гамәли бурычларны хәл итү буенча ярышлар 9 ноябрьдә – 1 декабрьдә берничә этапта узачак дип хәбәр итә Иннополис университеты матбугат хезмәте.
Биредә 14–18 яшьлек югары сыйныф укучылары һәм республика югары уку йортлары студентлары катнаша ала. Гаризалар 6 ноябрьгә кадәр кабул ителә. Оештыручылар – Татарстан Республикасының спортны программалаштыру федерациясе һәм Иннополис университеты.
Укучылар һәм студентлар өч дисциплинада ярышачак.
Беренчелек һәм чемпионат йомгаклары буенча җиңүчеләр һәм призерлар программалаштыру буенча спорт разрядлары алачак. Шулай ук җиңүчеләрдән 6–13 декабрьдә үтәчәк Бөтенроссия ярышларында катнашу өчен Татарстан җыелма командасын да формалаштырачаклар.
Катнашу бушлай.
Фото: ТР Мәгариф һәм фән министрлыгы сайты
Язмага реакция белдерегез
Вход на сайт
Мәдрәсә шәкертләре арасында V Республикакүләм Коръән укучылар бәйгесе узачак
5 ноябрьдә Казанда мөселман уку йортлары студентлары арасында V Республикакүләм Коръән укучылар бәйгесе узачак. Әлеге чарада Татарстан Республикасы мөселман уку йортларында көндезге бүлектә белем алучы егетләр катнаша ала дип хәбәр итә ТР мөселманнарының Диния нәзарәте.
Коръән укучылар бәйгесе Татарстан Республикасы мөселманнары Диния нәзарәте, Россия ислам институты, Казан ислам университеты, шулай ук Госман ибн Гаффан исемендәге Коръән хафизлар әзерләү үзәге тарафыннан оештырыла.
Биредә ике номинация каралган: Татарстан Республикасы мөселман уку йортларында укучылар арасында Коръәннең 29 нчы һәм 30 нчы җүзләрен яттан белү; Коръән ятлау үзәкләрендә укучылар арасында 28 нче, 29 нчы һәм 30 нчы җүзләрне яттан белү.
Катнашучылар тәҗвид кагыйдәләре буенча Коръәнне яттан дөрес итеп укый белергә тиеш. Конкурста командалар катнаша, бер командада – 5 кеше.
Бәйгедә катнашучыларга мәртәбәле Коръән белгечләре һәм хафизлар бәя бирәчәк. Алар арасында – Коръән һәм Сөннәт буенча дөньякүләм оешманың вәкаләтле вәкиле Ибраһим хәзрәт Сабиров, Чечен Республикасы Мөфтиенең Коръән эшләре буенча киңәшчесе шәйх Сәййид-Хөсәен Сәййид-Ибраһими.
Бәйгене үткәрү урыны һәм вакыты: “Әл-Мәрҗани” мәчете, 5 ноябрь көнне сәг. 08.00 дә.
Фото Россия ислам институтының матбугат хезмәтеннән
Следите за самым важным и интересным в Telegram-каналеТатмедиа
Яңалыклар битенә керегез
Комментарийлар