Татар теле буенча республика олимпиадасына йомгак ясалды

“Дуслык” сәламәтләндерү-белем бирү комплексында татар телле мәктәпләр өчен татар теле буенча республика олимпиадасының йомгаклау этабы узды. Чара ТР Мәгариф һәм фән министрлыгының Республика олимпиада үзәге тарафыннан оештырылды.

Министрлыкның матбугат үзәге хәбәр итүенчә, интеллектуаль ярышта республиканың 36 муниципаль районыннан һәм Казан һәм Чаллы шәһәрләреннән 4-11 сыйныфларда укучы 332 укучы катнашкан.

Катнашучыларның эшләрен составында КФУның Филология һәм мәдәниятара коммуникацияләр институты галимнәре һәм укытучылары, ТР Мәгариф үсеше институты һәм ТР Фәннәр академиясенең Г.Ибраһимов исемендәге Тел, әдәбият һәм сәнгать институты фәнни хезмәткәрләре булган компетентлы жюри бәяләде. 

Фото: mon.tatarstan.ru