Татарстан Мөфтиенең докторлык хезмәтләре
Монографиядә татарларның башка мөселман халыклары арасында Коръәнне бастыруда беренче булуына да дәлилләр белән китерә.
Татарстан мөфтие Камил хәзрәт Сәмигуллин – татар дин галимнәре арасында иң актив эшләүче зыялы затларның берсе, 2022 елда ул докторлык диссертациясе яклады. Татарстан Диния нәзарәтенең «Хозур» нәшрият йортында мөфтинең гарәп телендә «Җүхүди гуләмә» дип аталган фәнни монографиясе дөнья күрде. Бу китапта татар дин галимнәренең Изге Китапны язу кагыйдәләрен өйрәнүгә керткән өлеше дәлилләп бирелә.
Монографиядә татарларның башка мөселман халыклары арасында Коръәнне бастыруда беренче булуына да дәлилләр белән китерә. Анда Коръәндәге текстның 1803 елда ук консонант нигезен исәпкә алып басылуы һәм бит кырыйларында декламациянең ун кануни система буенча язылып, 1848 елда Казанда дөнья күрүе әйтелә. Монда Шиһабетдин Мәрҗани, Муса Бигиев кебек зыялы затларыбызның өлеше дә зур булуы мәгълүм. XIX–XX гасыр башында татар дин галимнәренең Коръән графикасы, язылышы, аны уку ысулларын, тәфсир кылу мәсьәләләрен яктыртуга зур өлеш кертүләре турында күзалларга мөмкинлек бирә.
Мөфти Камил хәзрәт Сәмигуллинның фәнни тикшеренүе Россиядәге хәзерге ислам дин гыйлеме тарихында мүсхәф расмы буенча беренче хезмәт, дип билгеләп үтә Татарстан Диния нәзарәтенең матбугат хезмәте.
Альберт САБИР
Фото архивтан алынды
Язмага реакция белдерегез
Вход на сайт
«Казан» гаилә үзәгендә журналистларны тәбрикләделәр
Фәрит Мөхәммәтшин үз чыгышында журналист һөнәренең асылы, бүгенге көндәге бурычлары турында сөйләде.
Бүген «Казан» гаилә үзәгендә Татарстан Республикасы Дәүләт Советы Рәисе Фәрит Мөхәммәтшин журналистларны Россия матбугаты көне уңаеннан котлады.
Мәгълүм булганча, 2024 ел Россия Президенты Владимир Путин тарафыннан Гаилә елы дип игълан ителде. Бәйрәм чарасының «Казан» гаилә үзәгендә оештырылуы шуңа да табигый. Тантаналы чарага журналист гаиләләр чакырылган иде. Фойеда Татмедиа тарафыннан әзерләнгән “Татмедиа гаиләләре” күргәзмәсе эшләде.
Фәрит Мөхәммәтшин үз чыгышында журналист һөнәренең асылы, бүгенге көндәге бурычлары турында сөйләде. Татарстан журналистикасының абруен ассызыклады.
“Журналистлар республика үсешенә үз көчен кертүчеләр, халык арасында аңлату эшләре алып баручы һәм тынычлык, өмет тудыручыларлар. Сезгә республика җитәкчелеге исеменнән рәхмәт сүзләрен җиткерәм”, – диде Дәүләт Советы Рәисе.
Шулай ук «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев тә матбугат әһелләрен бәйрәм белән тәбрикләде. Һөнәр һәм гаилә традицияләрен, кыйммәтләрен саклаган һәм Татарстан Республикасының массакүләм мәгълүмат чараларын үстерүгә зур өлеш керткән өчен журналист династияләренә Рәхмәт хатлары тапшырды.
Шулай ук, А.Сәлимгәрәев узып киткән 2023 елның вакыйгаларга һәм уңышларга бай булуын әйтте. Яңа башланган елга зур өметләр баглавын белдереп тантанага җыелучыларга җылы теләкләрен җиткерде.
Мөршидә Кыямова
Фото: "Татар-информ"
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар