Түбән Камада ел башыннан 100 нче бала тууы теркәлгән
Шатлыклы хәбәр!
Түбән Камада ел башыннан 100 нче бала тууы теркәлгән. Ул Әлфия һәм Марат Кильдеевлар гаиләсендә бишенче бала булып туа. Малайга Булат дип исем кушканнар. Бала 19 гыйнварда дөньяга килә. Түбән Кама муниципаль районы рәсми сайты
«Һәр гаиләдә бала туу – шатлыклы вакыйга, әмма һәр гаиләдә дә биш бала тапмыйлар. Бүген улларыбыз белән кечкенә егетне каршы алырга килдек. Мин бик шат һәм борчылам да», – дип уртаклашты шатлыгын гаилә башлыгы Марат Кильдеев.
Туу турында таныклыкны һәм Татарстан Рәисеннән котлауны ата-аналарга ЗАГС идарәсе башлыгы Гүзәлия Сәгыйтова тапшырды: «2024 ел Россиядә Гаилә елы, дип игълан ителде. Сез күп балалы гаилә, дәүләт мондый гаиләләргә ярдәм итә. Бүген күп балалы ата-ана булу җиңел эш түгел, ләкин киләчәктә балаларыгыз сезнең өчен ышанычлы таяныч һәм ярдәмче булыр, дип ышанам. Сезнең өегездә һәрвакыт җылылык һәм гармония булсын. Улларыгызга сәламәтлек һәм бәхет телим».
Шулай ук бәхетле гаиләгә Татарстан Республикасында Түбән Кама муниципаль районы Кеше хокуклары буенча вәкаләтле вәкилнең җәмәгать ярдәмчесе Чулпан Ульданова бүләк тапшырды. «Хәзер сез чыннан да зур гаилә. Сезгә ныклы сәламәтлек, сабырлык телим», – диде ул.
Чыганак: "Татар-информ"
Язмага реакция белдерегез
Вход на сайт
Гырон Быдтон бәйрәменең кайда узачагы билгеле
Радмир Беляев Татарстанда Гырон Быдтон бәйрәме Менделеевск районында узачагын белдерде.
Республика Гырон Быдтон бәйрәме Менделеевск районында узачак. Бу хакта район башлыгы Радмир Беляев Яңабирде авылында гражданнар җыенында әйтте. «Менделеевск яңалыклары» шул хакта хәбәр итә.
Халык белән очрашуда хезмәт күрсәтүче оешмалар, хокук саклау органнары вәкилләре катнашты.
Авыл җирлеге башлыгы Елена Скворцова 2023 елда башкарылган эш турында хисап белән чыгыш ясады.
Радмир Беляев 2024 елга планнары белән уртаклашты, районның социаль-икътисади үсеше күрсәткечләре белән таныштырды.
Яңабирде авылында яшәүчеләр үзләрен кызыксындырган сорауларны бирделәр. Алар терлек көтүе өчен урын бүлеп бирүгә, рейс автобусы хәрәкәтенә кагылды.
Җыен торак пункт активистларын бүләкләү белән тәмамланды. Тракторчы Николай Скворцов, волонтер Михаил Егоров, авыл җирлеге башкарма комитеты секретаре Нина Аксакова авыл һәм аның халкы файдасына сыйфатлы фидакяр хезмәтләре өчен башлыкның Рәхмәт хатлары белән билгеләп үтелде.
Чыганак: "Татар-информ"
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар