Укытучы һөнәрен сайлаучылар профильле фәннән БДИ тапшырачак

13 ноябрь 2026 Мәгариф

2027 елгы кабул итү кампаниясеннән педагогик белгечлекләргә укырга керергә теләүчеләр сайлаган юнәлешләренә туры килгән фәннән бердәм дәүләт имтиханы (БДИ) тапшырырга тиеш булачак. Бу хакта РФ Фән һәм югары белем министрлыгы боерыгында әйтелә.

Яңа таләпләрне раслаган документ 2026 елның 1 сентябреннән үз көченә кергән. Алар киләсе елгы кабул итү кампаниясендә кулланылачак.

Әйтик, физика укытучысы булырга теләгән абитуриент БДИны физикадан тапшырырга тиеш булачак. Министрлыкта булачак укытучыларның үз фәнен тирәнтен белүе мөһим булуын ассызыклаганнар.