Ульяновскида «Иң яхшы ана теле укытучысы – 2023» конкурсында Гүзәл Сәмигуллина җиңде

Ульяновскиның «Өмет» газетасында Рузия Хәлимованың «Гүзәл Сәмигуллина – иң яхшы ана теле укытучысы» дигән язмасы чыкты.

Ульяновскиның 64 нче урта гомуми белем бирү мәктәбе базасында «Иң яхшы ана теле укытучысы – 2023» конкурсы узды. Анда бәйгенең муниципаль этабында җиңгән уналты рус, татар, чуваш һәм мордва теле укытучысы катнашты.

Жюри «Иң яхшы ана теле укытучысы – 2023» конкурсында җиңүче итеп Гүзәл Сәмигуллинаны билгеләде. Әлфия Заитова икенче урынны яулады. Ә өченче урынга Венера Шәрипова лаек булды.

Җиңүчеләргә дипломнар, кубоклар һәм 50, 30, 20 мең сум күләмендә акчалата премия тапшырылды.