«Журналны педагогик киңәшмәләрдә кулланабыз»

«Мәгариф» журналы редакциясе Казанда иң актив укытучылар һәм тәрбиячеләр белән очрашты. 13 нче сентябрьдә «Яшел бишек» һәм «ФДББС буенча иң яхшы дәрес» бәйгеләренә йомгак ясалды. Без бәйрәмнең шатлыклы мизгелләре белән уртаклашуны дәвам итәбез!
Нурзия Рашит кызы МИРХАЗОВА — «Табигать белеме» номинациясендә «Сабыйлар гөлбакча белән таныша» дигән язмасы өчен «Мәгариф» журналының II дәрәҗә Дипломы белән бүләкләде. Нурзия Рашит кызы Түбән Камадагы 39 нчы балалар бакчасының өлкән тәрбиячесе булып эшли.

— 2006 елда «Мәгариф» журналында беренче мәкаләм басылып чыккан иде. Ул вакыттан бирле журнал минем өчен бик якын, ул өстәл китабы булып тора.  Журналны педагогик киңәшмәләрдә кулланабыз. Редакция хезмәткәрләренә, бәйгеләрнең жюри әгъзаларына эшләрендә зур уңышлар телим! - диде тәрбияче.