Роберт Миңнуллинның «Мәхәббәтле көзләрем» китабын тәкъдим итү кичәсе узачак

5 апрель көнне  Казанда  Роберт Миңнуллинның «Мәхәббәтле көзләрем» дип исемләнгән яңа китабын тәкъдим итү кичәсе узачак.
Чара «Китап club» рестораны (Бауман ур., 19) 15.00 сәгатьтә үтәчәк. Китапта Роберт Миңнуллинның яңа шигырьләре һәм элегрәк язылган сайланма әсәрләре урын алган, дип хәбәр итә ТР Язучылар берлегенең матбугат хезмәте.
Бирегә авторның туганнары, дуслары, якыннары, танылган татар шагыйрьләре һәм язучылары чакырулы. Теркәлү өчен электрон адрес: venera.pr@tatkniga.ru. Керү ирекле.

Фәния Лотфуллина