Иртәгә рус теленнән БДИ үткәрелә

4 июнь көнне рус теленнән бердәм дәүләт имтиханы үткәрелә. Рус теле урта гомуми белем турында аттестат алу өчен мәҗбүри имтихан һәм югары уку йортларына укырга керү өчен мәҗбүри сынау булып тора. Аттестат алу өчен рус теленнән минималь бусага 24 балл тәшкил итә, ә югары белем бирү программалары буенча укырга кергәндә документлар тапшыру өчен – 40 балл.

Рус теленнән имтиханны  агымдагы елның 16 311 чыгарылыш сыйныф укучысы, шул исәптән 204 сәламәтлек мөмкинлекләре чикләнгән укучылар да тапшырачак.

102 БДИ уздыру пункты оештырылган, шул исәптән 86 имтихан тапшыру пункты гомуми белем бирү оешмалары базасында һәм 16сы өйдә.

БДИ эшендә 5285 педагогик хезмәткәр катнашыр дип көтелә. Имтихан уздыру пунктларында онлайн видеокүзәтү оештырылган.

Имтихан 10.00 сәгатьтә башлана.

Рус теленнән БДИ 3 сәгать 30 минут дәвам итә.

Сәламәтлек мөмкинлекләре чикләнгән укучылар өчен рус теленнән бердәм дәүләт һәм дәүләт чыгарылыш имтиханнары 5 сәгать дәвам итә.

Имтихан үткәрү тәртибен бозган (телефоннар һәм башка җайланмалар, шпаргалкалар һәм башкалар) имтиханнан читләштерелгән һәм нәтиҗәләре юкка чыгарылган БДИ катнашучылары киләсе уку елында бу фән буенча БДИ тапшыра алачак.

Минималь бусаганы узмаганнар  22 июньдә (резерв көндә) тапшыра алачак. Шарт – математикадан уңай нәтиҗә булу.

 8 июльдә рус теленнән БДИ нәтиҗәсен яхшыртып булачак (беренче нәтиҗә исәпкә алынмаячак).

Математикадан (база һәм профиль дәрәҗәләре) БДИ 2026 елның 8 июнендә узачак.

Фото: ТР Мәгариф һәм фән министрлыгы матбугат хезмәте