Сара Садыйковага, ниһаять, һәйкәл куелачак

Бу хакта ТР Дәүләт экспертизасының рәсми сайты хәбәр итә. 

Исегезгә төшереп узабыз: быел  ноябрь аенда музыка җәмәгатьчелеге С.Садыйкованың 120 ел тулуын  билгеләп үтәчәк.

Композиторга һәйкәлне Казанның Татарстан урамындагы скверда урнаштыру планлаштырыла. Һәйкәл  проекты инде тиешле килешүләр узган. ТР Дәүләт экспертизасы скульптура ясауга, аны урнаштыруга һәм аның тирәсен төзекләндерүгә чыгымнар смета исәп-хисапларын тикшергән һәм хуплаган.

Сәнгать концепциясе нигезендә, Сара Садыйкова милли татар костюмында рояль артында утырып мәңгеләштереләчәк. Композицияне су ташучы кызлар фигуралары тулыландырачак, шулай итеп, милли колорит белән тулыланган. Композитор эшләгән чорга һәм иҗади атмосфераны хәтерләткән күренеш барлыкка киләчәк.

Һәйкәл кую күренекле якташыбыз истәлегенә хөрмәт кенә түгел, Казанның мәдәни  ландшафтында татар халкының гореф-гадәтләренә һәм тарихына тирән ихтирамны ассызыклаучы яңа әһәмиятле объект булачак.

“Гаилә һәм мәктәп” журналының “Нәселем силсиләсе” рубрикасында Әлфия Айдарская данлыклы әти-әнисе турындагы хатирәләрен яңартты.

Фото : ТР Дәүләт экспертизасының рәсми сайтыннан