25 илдән студентлар Россиягә кайта ала

Чит ил студентларына, аспирантларга, ординаторларга, әзерлек факультетларын тыңлаучыларга укуны дәвам итү өчен Россиягә кайтырга рөхсәт ителә, – дип хәбәр итә Мәгариф һәм фән министрлыгы. Ведомство студентларны чит илдән кертү тәртибен эшләде инде.
Россиягә Роспотребнадзор тарафыннан эпидемиологик яктан имин дип танылган ил студентлары гына кайта алачак.
Алар – Абхазия, Азәрбайҗан, Әрмәнстан, Белоруссия, Вьетнам, Греция, Мисыр, Һиндстан, Казахстан, Катар, Кыргызстан, Куба, Мальдив Республикасы, Берләшкән Гарәп Әмирлекләре, Сейшель утраулары, Сербия, Сингапур, Танзания, Төркия, Финляндия, Швейцария, Эфиопия, Көньяк Корея, Көньяк Осетия, Япония студентлары.

Таңсылу ГАБИДУЛЛИНА

Чыганак: Российская газета