28 иң яхшы балалар бакчасы ачыкланачак

Татарстанда елдагыча «Иң яхшы билингваль балалар бакчасы» гранты ияләрен сайлап алачаклар. Республиканың 28 алдынгы балалар бакчасына 500 мең сум күләмендә грант тапшырылачак.
«Иң яхшы билингваль балалар бакчасы» грантына конкурста 40 учреждение дәгъва кыла. 23 сентябрьдән 11 октябрьгә кадәр экспертлар комиссиясе балалар бакчалары эшчәнлеге белән танышачак.
Конкурсның нигезләмәсендә күрсәтелгәнчә, бүләк мәктәпкәчә белем бирү учреждениесендә балаларга татар һәм рус телләрен югары дәрәҗәдә укыткан өчен бирелә. Мисал өчен, Казанда гына 78 билингваль балалар бакчасы эшли. Аларда сабыйларны укыту татар телендә алып барыла.