Авыл укытучысы әйтергә тиешле сүзләр

«Өйрәнергә телим!».  Бу сүзләр күп еллар «Мәгариф» журналы оештырып килгән «Авыл укытучысы» бәйгесенең быелгы катнашучылары девизы булып яңгырый.
Татарстанда дан тоткан Казандагы. Ш.Мәрҗани ис. 2 нче санлы татар гимназиясе директоры Камәрия Хәмидуллина укытучыларны тәҗрибә уртаклашырга, яңа педагогика алымнарын өйрәнергә, hөнәр серләренә төшенергә чакырды.

 - 2 нче татар гимназиясе белән мин армиядә хезмәт иткән еллардан ук таныш. Бер иптәшем педагогик институттан соң практиканы әлеге гимназиядә үтәргә киңәш итте. Гимназиягә эшләргә өйрәнер өчен килгән идем, бүген дә шул ният белән килдем, - дип сәламләде хезмәттәшләрен Кайбыч районы Ульянково төп мәктәбенең тарих һәм җәмгыять белеме укытучысы Айрат Кәлимуллин.

Бүген көн дәвамында республиканың иң яхшы 10 мөгаллиме «Авыл укытучысы - 2019» бәйгесенең финал этабын уза.