Балалар өчен «коммендант вакыты»

01 июнь 2026 Ләйсән НИЗАМОВА

1 июнь балалы гаиләләрне 71 нче Федераль закон турында да искәртә.

Балалар өчен «коммендант вакыты» җәйге режимга күчә, ягъни балигъ булмаганнарга 23:00 сәгатьтән алып 6:00 сәгатькә кадәр урамда әти-әниләрсез йөрү тыела. Әгәр аларны полиция хезмәткәрләре тоткарласа, протокол төзелә, балигъ булмаганнар эше буенча комиссиядә карала, беренче тапкыр кисәтү ясала. Өч сәгать эчендә баланың әти-әнисе белән элемтәгә чыгып булмаса, аны балигъ булмаганнарны вакытлыча тоту үзәгенә җибәрәчәкләр. Бала икенче тапкыр тоткарланса, ярты елга исәпкә куялар.