Балык Бистәсендә «Бистә шәле»

ТР Мәдәният министрлыгының матбугат хезмәте хәбәр итүенчә, 24 августта Балык Бистәсендәге Үзәк мәйданда II республика «Бистә шәле» хатын-кыз һөнәрчелеге фестивале узачак. 

Бирегә республиканың иң яхшы осталары, шулай ук әлеге халык һөнәрен яратучылар җыелачак. 

Программа:

09:30-10:30 кунакларны каршы алу. Фестивальдә катнашучыларны теркәү.

11:00 фестиваль ачылышы. 11:30-14:30 Татарстан Республикасы үзешчән сәнгать артистлары чыгышы.

11:30 «БалаЧак» балалар халык уен мәйданчыгы эшли башлый.

11:30 «Шәл бәйлисем килә», «Рәсемнәрдә шәл бизәге», «Бистә кабартмасы», «мамыктан бизәкләр» мастер-класслары.

11:45 «Бистә кабартмасы» милли ризыгын презентацияләү.

12:00 «Шәлдән кием Дефилесы» мода күрсәтү.

12:30 «Иң креатив шәл» конкурсы.

13:15 «Иң тиз бәйләүче» конкурсы.

13:45 «Кәтүкне тиз әйләндерү» конкурсы.

14:45 шәлнең 3D форматын тәкъдим итү.

15:00 фестивальнең ябылышы.

Фестивальдә катнашу өчен оештыру комитетының электрон адресына – rdksloboda@mail.ru 9 августтан да соңга калмыйча гариза юлларга кирәк. Катнашучылар гаризада коллектив әгъзаларының исемлеген, туган көнен күрсәтеп, теркәп куярга тиеш.