Чыгарылыш сыйныф укучылары БДИда тапшырасы фәннәрен төгәл ачыкларга тиеш

11 нче сыйныф укучыларының сайлау имтиханнарын төгәл билгеләү өчен ике атнадан да азрак вакыты калып бара. 1 февральдән соң Мәгариф һәм фән өлкәсендә күзәтчелек федераль хезмәте БДИда катнашуга гаризалар кабул итүне туктата. Бу турыда ТР Мәгариф һәм фән министрлыгы хәбәр итә. 
Гаризада күрсәтеләсе предметлар саны төрле булырга мөмкин. Әмма ике иң массакүләм - рус теле һәм математика буенча имтихан  үзгәрешсез калды һәм элеккечә гомуми урта белем турында  аттестат алуга нигез булып тора. 2020 елда аларны 670 мең унберенче сыйныф укучысы тапшырырга тиеш. Калган фәннәр укучыларның үз иркендә. Төп ориентир - югары уку йортлары сайтлары. Аларда һәр юнәлеш буенча кирәк булган БДИлар исемлеге бастырылган.