Яшь каласы килгәннәргә белгечләр киңәш итә бирә
Ничек һәрчак яшь күренергә?
Баллы ризыкларны ашаудан туктагыз. Һичьюгы чикләгез. Шикәр иң беренче чиратта тирегә начар йогынты ясый, картайта. Шикәрдән алынган глюкоза майга әйләнә.
Кайнар су белән дә юынмагыз. Кайнар судан тире кибә, сусызлана, җыерчыклар барлыкка килә. Нәтиҗәдә вакытыннан алда картая башларга мөмкин. Ә менә салкынча су шешенүне дә бетерергә ярдәм итә.
Төн уртасына кадәр йокламыйсызмы? Бу гадәттән дә арыныгыз. Йокы туймау — тән, тире картаюның төп сәбәбе. Кичке 23 белән иртәнге 4 сәгать арасында һичшиксез йокларга кирәк. Бу вакыттагы йокы — матурлык йокысы.
Бит белән мендәргә капланып йокламагыз! “Йокы җыерчыклары” барлыкка килмәсен өчен. Иң яхшысы — аркага ятып йоклау.
Телевизор карауны чикләгез. Австралия галимнәре бер сәгать телевизор янында утыруның гомерне 22 минутка кыскартуын исбатлаган. Компьютер, смарфоннар янында озак утыру да иртә картаюга китерә икән, дип яза "Кызыл таң".
Язмага реакция белдерегез
Вход на сайт
Пенза фермеры Наил Шәипов Татарстан Рәисен никахына чакырды
Бөтенроссия татар авыллары эшмәкәрләре җыенының пленар утырышында чыгыш ясаган Наил Шәипов быел Гаилә елы булуын әйтеп узды .
Бөтенроссия татар авыллары эшмәкәрләре җыенының пленар утырышында чыгыш ясаган Пенза өлкәсе фермеры Наил Шәипов быел Гаилә елы булуын әйтеп узды һәм 8 март көнне никахы узачагын әйтте. Шул уңайдан Татарстан Рәисе Рөстәм Миңнехановны никахына чакырды.
«Бирегә әти-әниләрем белән килдем. 500 гектардан артык җир эшкәртәбез, 150 баш терлек асрыйбыз. Ничә ел эшләү дәвамында шуны аңладык: авыл хуҗалыгын алып барганда, бер төрле эш белән генә шөгыльләнеп булмый. Иген генә үстерү авыр, мал-туар асрарга да кирәк, чөнки хәзерге көндә ит бәясе тотрыклырак», – дип сөйләде ул.
Алар Пензаның Бистән авылыннан. Авылда меңнән артык кеше яши. Бу як кешеләре кешеләре коелар казу белән танылган.
“Хәзер авыл халкы төрле һөнәрләр сайлый. Безнең яктан чыккан эшкуарлар чит җирләрдә эшләрен оештырса да, авыл тормышында актив катнашалар, ярдәм итәләр. Бездә дини тәрбия көчле, шуңа авыл тыныч яши. Авылда мәктәп, өч мәчет, мәдрәсә эшли», – диде ул. Соңыннан бу җыенны оештыручыларга рәхмәтен җиткерде.
Татарстан Рәисе үз чиратында: «Наил, 8 март көнне син хатынлы булырсың, ә мин хатынны югалтырга мөмкин, – дип шаяртты.
Рөстәм Миңнеханов делегатларга сәламләү сүзе белән мөрәҗәгать итте һәм эшчәнлекләре өчен рәхмәт белдерде. “Безнең нигезебез – авылда. 4200 гә якын татар авылы бар. Ә бу авылларның эчтәлеге – эшмәкәрләрдә. Татарлыкка еш кына читтә яшәгән татарлардан өйрәнергә кирәк, – дип сөйләде ул.
Пленар утырышның 1 нче өлеше бүләкләү тантанасы белән тәмамланды.
Фото: tatar-congress.org
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар