«Язга хәтле яз» төбәкара драматургия бәйгесенә багышланган матбугат конференциясе

8 декабрь көнне, 13:00 сәгатьтә, "Татар-информ" мәгълүмат агентлыгында «Язга хәтле яз» төбәкара драматургия бәйгесенә багышланган матбугат конференциясе узачак.

Матбугат конференциясендә катнашалар:

1. Мөсәгыйтов Фәнис Наил улы – К.Тинчурин исемендәге Татар дәүләт драма һәм комедия театры директоры.
2. Имаметдинов Туфан Риф улы – К.Тинчурин исемендәге Татар дәүләт драма һәм комедия театрының баш режиссеры.
3. Бәдретдин Гөлназ – К.Тинчурин исемендәге Татар дәүләт драма һәм комедия театрының әдәби бүлек мөдире.
4. Галимова Рәмзия Ризван кызы – «Идел» журналының баш мөхәррире.

Матбугат очрашуы кысаларында бәйгенең үткәрелү тәртибе, катнашучыларга төп таләпләр, милли театрлар өчен репертуарга алырлык әсәрләр даирәсен киңәйтү кебек мәсьәләләр күтәреләчәк.