Казан Кремлендә «Мамыклар» спектакле тәкъдим ителәчәк

Казан Кремленең Гавами урыннары ишегалдында «Мамыклар» спектакле тәкъдим ителәчәк. Шәһәрлеләр алдында Artlime иҗат студиясе актерлары чыгыш ясаячак, дип хәбәр итә Казан мэриясенең матбугат үзәге.
«Мамыклар» - ак һәм йомшак костюмнарга төренгән игелекле әкият геройлары. Алар шәһәрлеләр белән бергә могҗиза-кар эзләргә чыгачаклар, яңа ел атмосферасы тудырачак, балалар һәм өлкәннәр күңелендә якты тәэсирләр калдырачак.
Чыгышлар 25  декабрьдә 15:00 сәгатьтә һәм 2  гыйнварда 17:00 сәгатьтә узачак. Очрашу урыны – Консистор манарасы янындагы мәйдан. Керү ирекле.

Фәния Лотфуллина

Фото: Денис Гордийко