Казанда ишарәләр телендә тарих, биология, физика һәм география темаларына программалар циклы башланачак

Казанда начар ишетүче балалар өчен ишарәләр телендә «Әйдә дуслашыйк!» дигән программалар циклы башланачак. Дәресләр тарих, биология, физика һәм географияне өйрәнүгә багышлана.
Проектны ясаучылар аңлатканча, 10 минутлык видеолар кеше тәненең ничек төзелгәнлеге һәм, мәсәлән, шырпы тартмасын күтәрер өчен ничә мускул, ничә мускул гер күтәрер өчен катнашуы, ни өчен авыр пароходлар батмый һәм самолётлар һавадан егылып төшми икәнлеге һәм башкалар турында сөйли. Видео сюжетлар тавыш белән төшерелгән, шуңа күрә барлык балалар да карый ала, дип хәбәр итә Казан мэриясенең матбугат үзәге
«Әйдә дуслашыйк!» программасын төшерүдә «Титры» инклюзив кино мәктәбе укучылары да катнаша.
Программа «Филантроп» автоном коммерцияле булмаган оешмасы тарафыннан эшләнгән һәм «Анастасия» хәйрия фонды гранты акчаларын кулланып гамәлгә ашырыла. Видеороликлар оешманың социаль челтәрләрендә һәм Татарстан телевидение каналларында урнаштырылачак.

Фәния Лотфуллина