Дәрес вакытында телефонны куллану тыела

26 август 2026 Мәгариф

1 сентябрьдән Россия мәктәпләрендә укучыларның дәрес вакытында телефон кулланмау таләбе рәсми рәвештә гамәлгә керәчәк. Ул Россия Мәгариф министрлыгы боерыгы белән беркетелә.

Яңа кагыйдә нигезендә, укучыларга дәрес вакытында мобиль элемтә чараларыннан файдалану рөхсәт ителми. Таләп 2027 елның 1 сентябренә кадәр гамәлдә булачак.

Шул ук вакытта, аерым очраклар өчен искәрмә каралган. Укучыларның яки белем бирү оешмасы хезмәткәрләренең гомеренә һәм сәламәтлегенә куркыныч янаган очракта, шулай ук башка гадәттән тыш хәлләрдә телефон кулланырга рөхсәт ителәчәк.