Логотип Магариф уку
Цитата:

Казанлыларны бакчачы булырга өйрәтәчәкләр

Агроном-эколог, агач инспекторы Александр Матюха бакчачы булырга теләгән казанлыларны бакча тәрбияләү серләренә өйрәтәчәк.

Агроном-эколог, агач инспекторы Александр Матюха бакчачы булырга теләгән казанлыларны бакча тәрбияләү серләренә өйрәтәчәк.  «Шәһәр бакчачысы мәктәбе» проектының икенче һәм соңгы агымы 17 августтан башлана. Әлеге проект яшел үсентеләрне карау үзенчәлекләрен өйрәнүгә, шулай ук аларга карата җаваплы мөнәсәбәт тәрбияләүне күз уңында тота.

Дәресләрнең барысы да  бер үк вакытта 11:00 сәгатьтә башлана.  Проектта катнашырга теләүчеләр 16 августта 15:00 cәгатькә кадәр сылтама буенча гариза язарга тиеш була. Кандидатларга ни өчен бакчачы булырга теләүләрен сөйләргә кирәк булачак. Соңыннан проектта катнашачак 25 кешене сайлаячаклар.

17 августта Горки-Әмәт урманы тирәсендә экскурсия оештырыла. 24 августта «Кыргый шартларда шәһәр бакчачысы» дәресләре үтәчәк.  Биредә проектта катнашучылар агачларны ничек дөрес үзләштерү, чәчәк аткан куакларны формалаштыру,  үсентеләрне кискәннән соң эшкәртү серләренә өйрәнәчәкләр. Моннан тыш, белемнәрне практикада тикшереп карау  да каралган, дип хәбәр итә парклар һәм скверлар дирекциясе.

 «Бөтенесе дә газон түгел» дәресләрендә газон үстерү турында сөйләячәкләр. Ул 31 августта үтәчәк.

Язмага реакция белдерегез

0

0

0

1

0

Реакция язылган инде

Комментарийлар

«Апуш» студиясе «Күзлек» балалар театр лабораториясе тәкъдим итә

Тиздән «Апуш» татар балалар студиясе яңа сезонны Туфан Миңнуллин исемендәге «Күзлек» балалар театр лабораториясе белән ачарга әзерләнә.

 

Мондый форматтагы чара беренче тапкыр үткәрелә. Ул Туфан Миңнуллинның тууына  90 ел тулуга багышлана. 19–25 август көннәрендә студия балалары, язучыбыз әсәрләренә нигезләнеп, төрле остазлар белән театраль эскизлар тәкъдим итәчәк. Зур чара «Чулпан» мәдәният үзәгендә «Апуш» татар балалар театр студиясенең «Авыл эте Акбай» мюзиклы белән башланачак. Биредә  драматургның кызы Әлфия Миңнуллина белән дә очрашу узар дип көтелә. Шулай ук балалар белән берлектә  Туфан Миңнуллин пьесалары буенча эскизлар әзерләнәчәк, алар лабораториянең соңгы көнендә – драматургның туган көнендә тәкъдим ителәчәк. Тамашачы ролендә –  мәктәп укучылары, нәни балалар. Соңыннан иң кызыклы эскизны сайлап алып, аны спектакльгә әверелдерү күздә тотыла. Кыска гына, этюд формасында эскиз театр дөньясында бик популяр.

«Апуш» татар балалар театр студиясенең җитәкчесе, «Күзлек» балалар театр лабораториясенең оештыручысы Алия Фәйзрахманова фикеренчә, быелгы лабораториядә “Апуш” төркемнәрендә  шөгыльләнүче балалар катнаша. Ул әлеге чараның үзенчәлеген: «Без шушы берничә көнгә төркемнәрнең остазларын бер-берсе белән алыштырабыз, шул рәвешле алар студиябезнең башка балалары белән эшләп карый алачак. Остазлар өчен дә, шәкертләр өчен дә бу бик кызыклы тәҗрибә булыр дип уйлыйм. Нәтиҗә буларак, һәр команда Туфан аганың берәр пьесасы буенча эскиз куячак, - дип  билгеләп үтте.  

«Гаилә һәм мәктәп» журналының август санында «Ялкау булма, «Апуш» дип аталган язмабыз урын алды. Язмада булачак «Апуш» балалары алдында быел нинди таләпләр куелачагы хакында сүз бара. «Апуш» студиясе директоры Алия Фәйзрахманова әйтүенчә, түземлелек, тәрбия, дисциплина – балалардан шушы өч пунктны үтәү таләп ителә. ««Апуш»ка – ниндидер бер рәхәт җиргә генә киләм дигән уй дөрес түгел. Ул –  йөз процент эш мәйданчыгы»,– диде ул.

«Апуш» командасы балалар театрын сөючеләрне 19 августта «Авыл эте Акбай» мюзиклын карарга чакыра. Мюзикл «Чулпан» мәдәният үзәгендә 18.00 дә куела. Керү ирекле. 25 августта иң кызыклы эскизларны сайлау мөмкинлеге булачак. «Апуш» дөньясы сезне көтеп кала! 

Следите за самым важным и интересным в Telegram-каналеТатмедиа

Яңалыклар битенә керегез
БАШКА ЯЗМАЛАР

Ишетми калмагыз

Аудиоязмалар

  • Гильм Камай

  • Җәлилнең якын дусты

  • Ирек Нигъмәти - "Кояш сүнде ул йортта"

  • Ләйлә Минһаҗева - "Милләтебезгә тугры, буыннарга үрнәк шәхес"


ТӘКЪДИМ ИТӘБЕЗ