Хәбәрсез югалганнар эзеннән

9 май көнне илебез урамнары буйлап агылучы «Үлемсез полк»та бары тик туган көннәре генә язылган солдат фотосурәтләрен күрергә мөмкин. Бөек Җиңүгә инде 75 ел тулса да, һаман да хәбәрсез югалганнар исемлегендә йөргән, язмышы, кабере дә билгеле булмаган миллионлаган сугышчылар кала бирә.
Әлеге проблеманы хәл итү өчен,  «Установление судеб погибших и пропавших без вести защитников Отечества» дип аталучы Халык проекты эшли башлады. Әлеге проект кысаларында «Найти солдата» (poisk.proektnaroda.ru) онлайн-сервис хезмәт күрсәтә.
Сайт аркылы мөрәҗәгать итеп булмаган очракта якын кешеңнең язмышын ачыклау өчен телефон аша гариза калдырырга була: 8-800-300-68-97.