Колледжларда 740 меңгә якын бюджет урыны тәкъдим ителә

Бу хакта РФ вице-премьеры Дмитрий Чернышенко журналистлар белән очрашуда хәбәр итә. Моннан тыш, ул югары белем бирү программалары буенча 620 меңнән артык бюджет урыны ачылуы турында да билгеләп үтә.

«2024 уку елында югары белем бирү программалары буенча 620 меңнән артык бюджет урыны һәм урта һөнәри программалар буенча 740 меңгә якын урын бар. Россия югары һәм урта һөнәри уку йортларына кабул итү кампаниясе 20 июньдә башланды. Биредә 1,2 меңнән артык югары уку йорты һәм 3,8 мең колледж катнаша», – дип сөйләгән Дмитрий Чернышенко журналистларга.