Кышкы ялларда туган телләр буенча республика олимпиадасы узачак

Берничә көннән мәктәп укучылары арасында оештырылучы республика олимпиадаларына нәтиҗә ясалачак. 23 нче декабрьдә интеллектуаль ярышларга старт бирелә.

23 – 25 декабрьдә Казанда туган телләр буенча республика олимпиадасы җиңүчеләрен ачыклаячаклар.  Укучылар чуваш, мари һәм мордва телләре буенча сынау тотачак.   24-28 декабрдә  белгечләр  чит телләр буенча олимпиадада көч сынашучы балаларны укытыр дип көтелә. Татарстанның төрле районнарыннан булган укучылар бөтенроссия ярышларына әзерләнәчәк.

25-30 декабрдә 4-7 сыйныф укучылары өчен махсус смена оештырыла.