Лилия Муллагалиева: «Һәр балама багышлап куплет язам»

Татар эстрадасы йолдызы Лилия Муллагалиева балаларына багышлап язган җырын иртәгә беренче мәртәбә башкарачак. Җырның премьерасы «Пирамида» күңел ачу үзәгендә үтәчәк. Бу хакта җырчы матбугат конференциясе вакытында хәбәр итте. 

«Һәр балама багышлап куплет чыгарабыз. Гаиләбездә Данил белән Ильвина гына булганда җыр ике куплетлы иде. Аннары Ильяс турындагы сүзләр өстәлде», — дип аңлатты Лилия Муллагалиева.

29 сентябрь көнне Казанның «Пирамида» мәдәни-күңел ачу комплексында татар җырчысы Лилия Муллагалиеваның концерты оештырыла. 800 тамашачыга «Мин» дип исемләнгән китап тапшырылачак.  Эстрада йолдызының тәүге китабында 50 җыр тупланган.