Мәҗбүри медицина иминияте системасына үзгәрешләр кертелә

01 декабря 2022 Мәгариф

1 декабрьдән мәҗбүри медицина иминияте системасына үзгәрешләр кертелә. BGP Litigation юридик фирмасы юристы Анастасия Мырсина билгеләп үткәнчә, иминият һәм медицина оешмалары, медицина ярдәме күрсәтү турында мәгълүмат алу өчен, мәҗбүри медицина иминияте аша мөрәҗәгать итүче пациентларның мәгълүматлар базасына керә алачак.
Хәзер полис урынына гражданнар шәхес таныклыгын күрсәтә алачак. Әлеге яңалык документлар рәсмиләштерүне җиңеләйтәчәк һәм медицина оешмалары арасында мәгълүмат алмашуның нәтиҗәлелеген арттырачак.
Мәҗбүри медицина иминияте полисы булмаган затлар аны «Дәүләт хезмәтләре» порталы аша ала алачак, ә яңа туган балаларга ул 1 декабрьдән автомат рәвештә тапшырыла башлаячак.

Фәния Лотфуллина