"Мәгариф турында"гы канунга яңа төзәтмәләр кертү кәгазь эшен киметәчәк

«Россия Федерациясендә мәгариф турында» федераль законга яңа төзәтмәләр белем бирүнең барлык дәрәҗәләрендә педагогларга бюрократик йөкләнеш күләмен тагын да кыскарта, бу хакта Рособрнадзор җитәкчесе киңәшчесе Наталья Алтыникова Рособрнадзор һәм Росаккредагентлык катнашында оештырылган "Югары белем сыйфаты белән идарә итүдә аккредитация күрсәткечләре" IPR-EDU 2023 белем бирү интенсивы кысаларында сөйләде, дип хәбәр итәТР Мәгариф министрлыгының матбугат үзәге.
Наталья Алтыникова сүзләренә караганда, әзерләнгән төзәтмәләр федераль башкарма хакимият органнарына педагог һәм мәгариф оешмасы документларының исемлеген, формаларын һәм структурасын расларга мөмкинлек бирәчәк, аннан читтә педагогтан беркем дә ниндидер өстәмә документлар алып барырга таләп итми. Элегрәк мондый чикләүләр Россия Мәгариф министрлыгы боерыгы белән мәктәп укытучылары өчен кертелгән иде инде. Шулай ук мәгариф оешмаларында төрле ведомстволар һәм оешмалар тарафыннан мәгълүмат сорату өчен нигезләр билгели торган төзәтмәләр әзерләнгән. Моннан тыш, "Мәгариф программасы" төшенчәсен үзгәртү һәм "Педагогик эшчәнлек" төшенчәсен билгеләү турында төзәтмәләр эшләргә кирәк булачак.