Мәктәп укучылары суык көннәр аркасында дәресләргә бармаска мөмкин

06 декабря 2023 Гульназ

Әгәр һава температурасы -25 градустан түбән булса, укучы балалар мәктәпкә барырга тиешме? Татарстанда каты салкыннар көтелү сәбәпле, ата-аналарны шул сорау борчый.
Казанның Мәгариф идарәсендә аңлатуларынча, башлангыч сыйныф укучылары 25 градус салкынлык булган очракта, дәресләргә бармаска мөмкин. 5-9 нчы сыйныфлар укучылары, һава температурасы -27 градуска кадәр төшсә, укулар шулай ук кичектерәләчәк. Югары сыйныф укучылары -32 градус салкында дәресләрне калдырырга була.
Идарә җитәкчесе Ирек Ризванов: «Мәктәп директорлары, салкын көннәрдә өйдә калыргамы һәм укырга барыргамы икәнлеген үзләре хәл итәчәк. Еш кына балалар мәктәпкә һава температурасына карамастан киләләр яки ата-аналарның аларны калдырырга кешеләре юк – моның өчен дежур сыйныфлар эшли, анда дәресләр гадәти режимда уза», – дип сөйләде бу мәсьәлә буенча.

Шулай ук ачы салкыннарда балаларга шәһәрдән читкә чыкмаска, өйдә калырга киңәш итәләр идарәдә.

Таңсылу Габидуллина