Мәскәүдә мәктәп укучыларын Татар мәдәни үзәге бинасы тарихы белән таныштырдылар

Мәскәү Татар мәдәни үзәгендә 627 нче мәктәп укучылары өчен экскурсия оештырылды.

Педагогика фәннәре кандидаты Марат Сәфәров аларны тарихи бина белән таныштырды, аның үткәне һәм бүгенгесе хакында сөйләде. Балаларга Мәскәүдә һәм Россиядә яшәүче татарлар тарихы белән бәйле танылган шәхесләр булган интерьерларны күрсәтте.

Шулай ук татар шагыйре Муса Җәлилнең батырлыгы, армия генералы Мәхмүт Гәрәевнең тормыш юлы һәм эшчәнлеге турында сөйләде.

Шулай ук бу көнне биредә Мәхмүт Гәрәевне искә алу кичәсе дә үтте. Зур зал фойесында аңа багышланган күргәзмә дә оештырылган иде, дип хәбәр итә Мәскәү шәһәре татар милли-мәдәни автономиясе төбәк иҗтимагый оешмасының матбугат хезмәте.

Фәния Лотфуллина