Мәгариф: ЗАМАН БУЙЛАП ФОТО-СӘЯХӘТ

«Мәгариф» һәм «Гаилә һәм мәктәп» журналлары редакциясе «ТАТМЕДИА» акционерлык җәмгыяте белән берлектә «Мәгариф: заман буйлап фото-сәяхәт» дип аталган фотосурәтләр конкурсы игълан итә. Җиңүчеләр «Ретрофото сериясе», «Портрет», «Иң яхшы рәсем» номинацияләре буенча билгеләнәчәк.

Эшләр 2018 елның 1 мартына кадәр кабул ителә. 3 номинациядә өчәр җиңүче билгеләнәчәк. Аларга диплом һәм кыйммәтле (акчалата) бүләкләр тапшырыла. Шулай ук 30 фотосурәт «Мәгариф» журналы тарафыннан оештырылган күргәзмәгә сайлап алыначак.

Эшләрне «Мәгариф: заман буйлап фото-сәяхәт» тамгасы белән, исем-фамилиягезне, элемтә өчен телефоныгызны күрсәтеп, 420066, Казан шәһәре,  Декабристлар урамы, 2 нче йорт адресы яки magarif-foto@mail.ru электрон почтасы буенча редакциягә юлларга кирәк.