“Мәгариф” журналында Г.Гыйльманов, З.Хәким әсәрләренә дәрес эшкәртмәләре басылачак

Кичә “Мәгариф” журналы Мөслим районының татар теле һәм әдәбияты укытучылары белән “Түгәрәк өстәл”дә катнашты. Сөйләшү барышында укытучылар журналыбызны ничек эчтәлеклерәк итү юнәлешендә үзләренең тәкъдимнәрен керттеләр. Мәсәлән, укыту программасындагы Г.Гыйльманов, З.Хәким кебек яңа авторлар буенча дәрес эшкәртмәләрен, мәгариф өлкәсенә кагылышлы норматив документларга кертелгән үзгәрешләрне журнал битләрендә биреп баруны сорадылар.

 “Мәгариф”, “Гаилә һәм мәктәп” журналлары игълан иткән һөнәри һәм иҗади конкурларда Мөслимнең укытучылары да, тәрбиячеләре бик теләп катнашып кына калмый, алдынгы урыннарны да яулап бара. Быел игълан ителгән конкурсларда да мөслимнәрдән күп кенә дәрес эшкәртмәләре һәм иҗади эшләр керде.