“Мәгариф”кә – 100! (ФОТО)

26-27 февральдә “Мәгариф” журналының 100 еллык юбилеена багышланган “Белем һәм тәрбия чарасы буларак татар журналистикасы”  фәнни-гамәли конференциясе узды.Конференция “Татмедиа” ААҖ һәм Казан (Идел буе) федераль университетының гаммәви коммуникация һәм социаль фәннәр институтында узды. ТР Журналистлар берлегендә исә “Туган телне өйрәтүдә заманча технологияләр” темасына “түгәрәк өстәл” оештырылды.
Конференциядә ТР Дәүләт Советы Рәисе урынбасары, республиканың Журналистлар берлеге рәисе Римма Ратникова Татарстан Президенты Рөстәм Миңнехановның редакциягә Рәхмәт хатын тапшырды. “Мәгариф” журналы хезмәткәре Кадрия Фәйзрахмановага “Татарстанның атказанган матбугат һәм массакүләм коммуникацияләр хезмәткәре” дигән исем бирелде. Редакция үзе дә 2013 елның иң яхшы авторларын бүләкләде. Фәнни-гамәли конференция материаллары җыентык буларак дөнья күрәчәк.