Рөстәм Миңнеханов Казанда Укытучылар скверы барлыкка киләчәген хәбәр итте

Бүген Дәүләт Советына еллык юлламасында Татарстан Рәисе Рөстәм Миңнеханов Казанда Укытучылар скверы барлыкка киләчәген хәбәр итте.
«Илдә игълан ителгән Укытучылар һәм остазлар елы кысаларында педагоглар берләшмәсе катнашында зур эш башкарыла. Бу укытучыларның югары абруен һәм аларның эшенең мөһимлеген күрсәтә. Бу һөнәргә дан биреп, Казанда Укытучы скверы дип аталган иҗтимагый киңлек булдыру карары кабул ителде», - дип сөйләде ул.

Фәния Лотфуллина