Рөстәм Миңнеханов сәләтле укучылар белән очрашты

Татарстан Президенты олимпиада-бәйгеләр җиңүчеләре, балалар һәм яшүсмерләр оешмаларының активистлары белән очрашты.
15 мәктәп укучысы һәм студент өчен Президент сарае буенча күргәзмә әзерләнде. Балалар республика башлыгының эш кабинетын күрделәр.
Президент белән очрашуга Татарстан балалар оешмалары берләшмәсе, «Җиңү волонтерлары» оешмасы  һәм «Чиста булачак» экологик хәрәкәте әгъзалары, төрле фәннәр буенча олимпиадалар җиңүчеләре чакырулы иде. Кама Тамагында суга батучы кешене коткарган 11 яшьлек малай да зур кунак булды.
Рөстәм Миңнеханов очрашуга чакырылган балаларга, Яңа ел бүләге итеп, Apple планшетлары бүләк иткән.