Абдулла Шаһи улы Әсәдуллинның тууына 90 ел тулу уңаеннан фәнни-гамәли конференция үткәрелде
Бүген ТР Фәннәр академиясенең Ш. Мәрҗәни исемендәге Тарих институты һәм теориясе үзәге күренекле педагог, галим, дәреслекләр авторы Абдулла Шаги улы Әсәдуллинның тууына 90 ел тулу уңаеннан фәнни-гамәл...
Бүген ТР Фәннәр академиясенең Ш. Мәрҗәни исемендәге Тарих институты һәм теориясе үзәге күренекле педагог, галим, дәреслекләр авторы Абдулла Шаги улы Әсәдуллинның тууына 90 ел тулу уңаеннан фәнни-гамәли конференция үткәрә. Конференциягә Мәскәүдән аның улы, РФА Көнчыгышны өйрәнү институтының әйдәп баручы хезмәткәре Фәрит Әсәдуллин да килде.
Очрашу вакытында күренекле профессорлар, галимнәр һәм доцентлар татар телен укытудагы проблемаларга зур игътибар бирделәр.
Бүгенге көндә татар телен укыту методикасы - иң мөһим мәсьәләләрнең берсе. Хәзерге интернет заманында балаларны кызыксындыру өчен яна тел программалары кирәк.
Төп проблема - укучылар татар телендә начар сөйлүләре. Күп очракта басым грамматикага бирелә, ә сөйләмгә игътибар аз.
Профессор Рүзәл Йосыпов әйтүенчә: "Рус телле аудиториядә, татар телен белмәгән балаларга безнең ана телен чит тел буларак укытырга кирәк". Үз чыгышында ул татар телен укыту проблемаларына тукталып китте.
Казан (Идел буе) федераль университетының гомуми тел белеме hәм тюркология кафедрасы доценты Кадрия Сөнгать кызы фикеренчә, татар телен өйрәтүдә заманча алымнар булырга тиеш. Моның уңай мисалы - "Ана теле" программасы. Бүген алар укыту системасында традицион методика белән генә чикләнмиләр. "Ана теле" проекты - эффектив программаларның берсе. Һәр елны 10 мең кеше 1 февральдә anatele.ef.com. сайты аша язылып, татар телен өйрәнә. "Мәгариф. Татар теле" журналының декабрь санында бу проект турында махсус материал биреләчәк.
ТР ФА Ш. Мәрҗани ис. Тарих институтының өлкән фәнни хезмәткәре Марат Вазыйх улы Лотфуллин милли кадрлар әзерләү проблемасына тукталды. "Бүгенге көндә күп кенә төбәкләрдә педагогик көллиятләр ябылган. Димәк, яшь укытучылар әзерләнми. Казан педагогия университетын К(П)ФУга кушкач, әлеге проблема тагын да кискенләште.
Татар балаларының 7 проценты гына татар мәктәбендә укый, димәк, калган 93 процент фәннәрне рус телендә өйрәнә. Инде күп кенә татар авылларында да укыту рус телендә алып барыла", - диде ул.
Конференциядә тагын бер фикергә басым ясалды. Рус телен өйрәнү методикасы барлыкка килгәнгә 100 елдан артык вакыт үткән. Татар телен безнең галимнәр тирәнтен 20 ел элек кенә өйрәнә башлаганнар.
Семинарда аерым урын татар әдәбиятына бирелде. Яр Чаллы дәүләт педагогика университеты доценты Роза Зәки кызы Хәйдәрова бүген балаларның татар әдәбиятын начар үзләштерүе хакында әйтте. "Бу дәреслекләр белән дә бәйле", - диде ул.
Очрашу ахырында катнашучылар үз фикерләре белән уртаклаштылар. Күпчелек, татар теле чит тел буларак кабул ителми, ул безнең дәүләт теле, димәк, аны өйрәнүгә бөтен шартлар да тудырылырга тиеш, дигән фикердә
Фәнни-гамәли конференция турында тулырак "Мәгариф" журналының киләсе санында укый аласыз.
Язмага реакция белдерегез
Вход на сайт
Бөтенроссия стартаплар бәйгесендә Казаннан өч фәнни проект финалга чыкты
Казаннан өч инновацион эшләнмә Россиянең «GenerationS» стартаплар бәйгесендә катнашып, корпоратив акселераторлар программасында катнашу хокукына ия булган. Бу хакта бәйгене оештыручы «РВК» фондлар дәү...
Казаннан өч инновацион эшләнмә Россиянең «GenerationS» стартаплар бәйгесендә катнашып, корпоратив акселераторлар программасында катнашу хокукына ия булган. Бу хакта бәйгене оештыручы «РВК» фондлар дәүләт фонды матбугат хезмәте хәбәр итә.
«GenerationS» — Россиядә һәм Көнчыгыш Европада иң зур стартап-акселераторларның берсе. Мәскәүдә оештырылган чираттагы бәйгедә Россиядән һәм Көнчыгыш Европадан югары технологияләр өлкәсендәге көч куючы 300 дән артык эшмәкәр катнашкан. Командалар үз проектын экспертларга, инвесторларга һәм корпоратив хезмәттәшләргә тәкъдим иткән. Нәтиҗәдә, 120 иң яхшы стартап сайлап алынган. Әлеге исемлеккә Казаннан да өч проект кергән.
Мәсәлән, Айдар Сабитов трансформатордагы кәгазь изоляциянең куллану вакытын тикшерүгә билгеләнгән үзенең җиһазын камилләштерүне һәм үсеше өстәндәге эшне Power&Energy компаниясе белән берлектә дәвам итәчәк. Үз проектын уо киләчәктә Россиянең энергетика компанияләре җитәкчеләре һәм белгечләре, шулай ук инвесторлар белән берләктә гамәлгә куя алачак.
Марат Кадыйровның «Рискны теркәү» проекты «Finance&Banking Technologies» оешмасы белән берлектә тормышка ашырылачак. Бу юнәлештәге проектларны тормышка ашыручыларга Россиянең венчур фондлары вәкилләре бергә эшләү мөмкилеге бирелә. Иң яхшы проект авторларына чит илдә белемнәрен артырырга тәкъдим ителәчәк.
«LifeScience» командасы белән берлектә Артур Заһитов исемле Казан егете эшләячәк. «Укол ясау өчен шәхси автомат инъектор» проекты авторы буларак ул үзенең эшләнмәсен дарулар ясау, диагностика системалары, медицина кирәк-яраклары, шулай ук кеше сәламәтлеген тикшерү технологияләре белән шөгыльләнүче командалар ярдәмендә камилләштереләчәк.
Бәйгенең хәзерге этабында барлык командаларга да белгечләр булышачак, кайбер яшьләргә чит илдә белемнәрен күтәрү мөмкинлеге тудырылачак, инвестицияләр җәлеп итүдә һәм проектны базарга чыгаруда, Россиянең алдынгы корпорацияләре белән хезмәттәшлек урнаштыруда ярдәм күрсәтеләчәк.
Сайлау турларын узган командалар 2017 елның февраль аена кадәр хезмәттәш-корпорацияләр базасында үтәчәк корпоратив акселераторларда катнашачак. Монда алар үз продуктларын кулланышта тикшереп, базарга чыгаруга әзерләячәк.
Корпоратив акселаторларның соңгы этабында проектлар инвестиция комитетына һәм хезмәттәш-корпорациянең фәнни-техник советы игътибарына тәкъдим ителәчәк.
Җиңүче командалар исемнәре «GenerationS» супер-финалында 2017 елның мартында билгеле булачак. Бәйгенең приз фонды 15 миллион сумны тәшкил итә, хезмәттәшләрдән гомуми приз фонды 100 миллион сумнан артып китәчәк.
Следите за самым важным и интересным в Telegram-каналеТатмедиа
Яңалыклар битенә керегез
ТӘКЪДИМ ИТӘБЕЗ
Комментарийлар