Татарстан 2021 елның иң яхшы тәрбиячесен сайлый

«Ел тәрбиячесе» республика һөнәри конкурсының зона этабына йомгак ясалды. Конкурста 100 дән артык мәктәпкәчә белем бирү оешмасы педагогы көч сынашты.
Бәйгенең финалы Казанда 5 – 9 апрельдә узачак. Финалда зона этабында иң яхшы нәтиҗәләр күрсәткән 30 конкурсантның катнашуы көтелә. «Ел тәрбиячесе» номинациясендә 20 катнашучы, «Туган тел тәрбияләгән төркем тәрбиячесе» номинациясендә 10 лап кеше чыгыш ясаячак.
Моннан тыш,  педагоглар мастер-класс, балалар белән педагогик чара һәм түгәрәк өстәл кебек конкурс чараларында да катнашачак.

Таңсылу ГАБИДУЛЛИНА