Тиздән «Гаилә һәм мәктәп» журналының июль саны дөнья күрәчәк

Бу сан Бөтендөнья татар конгрессы эшчәнлегенә, татар милләтен, телен, татар мәдәниятен үстерү һәм саклау мәсьәләләренә багышланган. Шул уңайдан Самардагы «Яктылык» мәктәбе, Саратовтагы милли татар гимназиясе, Димитровград шәһәрендәге Г.Тукай исемендәге татар мәктәбе турында язмаларны укырга тәкъдим итәбез.

Редакциябезгә мөхтәрәм укучыларыбыздан хатлар әледән-әле килеп тора, бу юлы Татарстаннан Швециягә күченеп китүче Әнүзә-Айна ЗЕТТЕРЛУНД хаты белән һәм Австралиядә гомер итүче Гайшә МАСКИ шигырьләре белән таныша аласыз.