Түбән Камада август киңәшмәсе уза

Бүген Түбән Кама муниципаль районының мәктәпкәчә мәгариф оешмалары базасында «Хәзерге заман мәктәпкәчә белем бирү: мәктәпкәчә белем бирүнең федераль белем бирү программасы шартларында тәрбия, укыту һәм үсеш эчтәлеген яңарту» темасына Татарстан Республикасы мәктәпкәчә белем бирү хезмәткәрләренең республика август киңәшмәсе секциясе булачак. 

Секция утырышында Татарстан Республикасы мәгариф һәм фән министры Илсур Һадиуллин, Татарстан Республикасы мәгариф һәм фән министры урынбасары Минзәлия Закирова, мәгариф идарәсе белгечләре, мәктәпкәчә белем бирү мәсьәләләрен алып баручы методистлар, көллиятләр һәм югары уку йортлары җитәкчеләре һәм укытучылары, мәктәпкәчә мәгариф оешмалары җитәкчеләре һәм педагоглары катнаша.