Түбән Камадагы 8 нче мәктәптә капиталь ремонт дәвам итә

Ремонт «Балаларга иң яхшысы» федераль программасы кысаларында, «Яшьләр һәм балалар» милли проекты нигезендә башкарыла.

Мәктәптә ишекләр һәм тәрәзәләр алыштырылачак;  җылылык, вентиляция, су белән тәэмин итү һәм канализация системалары яңартылачак. Мәктәп заманча җиһазлар белән тәэмин ителәчәк.

Проектны тормышка ашыруга 146 млн сумнан артык акча юнәлдерелгән, объектның хәзерге көнгә әзерлеге 55% тәшкил итә.

Фото: ТР Мәгариф һәм фән министрлыгы сайты