Яңа елга кадәр милек салымын түләргә кирәк

Бүген ТР Министлар Кабинетында  2023 елда ТР физик затлар тарафыннан милек салымнарын түләү буенча брифинг узды.
Татарстан Республикасы буенча Федераль салым хезмәте идарәсе җитәкчесе Марат Сафиуллин   татарстанлыларга 2,2 млн сумнан артык салым хәбәрнамәсе җибәрелүе хакында хәбәр итте. Аның сүзләренчә, республика халкы 1 декабрьгә кадәр 9,1 млрд  сум милек салымы түләргә тиеш. Бу сан узган ел белән чагыштырганда 500 миллион сумга күбрәк.
"9,1 млрд сум салымының 5 млрды - транспорт, 2,8 млрды - милек салымы һәм 1,3 млрды  җир салымы санала. Моннан тыш, хәбәрнамәләргә физик затларның керемнәренә 375 млн сум күләмендә салым кертелгән», — дип сөйләде Марат Сафиуллин.
Җир салымы буенча исәпләүләр суммасында үзгәрешләр бар. Әйтик,  узган ел белән чагыштырганда җир салымы 10 % ка, милеккә салым буенча — 11 % ка, ә транспорт салымы буенча  2 % ка арткан.