Юбилеегыз белән, Шамил Мөхәммәтович!

Хөрмәтле Шамил Мөхәммәт улы!
Сезне 45 яшьлек матур юбилеегыз белән чын күңелдән котлыйбыз!
Һәр ир кешенең үзе сайлаган юлы, алдына куйган максат-бурычлары бар. Билгеле бер вакыт җиткәч, артка борылып үткәндәге уңышларыңны һәм казанышларны барлау алга таба барырга тагын бер этәргеч ясый, иңгә канатлар куя. Эшләгән эшләрегез бихисап, алдагылары да хәерле гамәлләр булсын. Киләчәктә тагын да зуррак биеклекләрне яулар өчен дөньяны үзгәртердәй көч-куәт, таулар кичәрлек дәрт-дәрман, күңел тынычлыгы һәм имин, бәрәкәтле тормыш телибез!
 Бу хезмәтегездә без Сезнең белән иңне-иңгә куеп барырдай юлчыларыгыз. Үзебезнең проектларыбыз, төрле идеяләр белән һәрьяклап ярдәм итәргә әзер.

Ихтирам белән, 

«Мәгариф» һәм «Гаилә һәм мәктәп» журналлары редакциясе