"Мәгариф" журналы Арчада Россия көненә багышланган бәйрәмдә катнашты

12 июнь– Россия көне уңаеннан Арча районы 3 нче номерлы башлангыч мәктәбе базасында оештырылган җәйге лагерьда тәрбияләнүче балалар зур бәйрәм чарасында катнашты. “Россия, сиңа багышлыйбыз!” дигән исем астында узган бәйрәм квест-уен  форматында узды.

 Уенда 7 яшьтән алып 12 яшькә кадәрге 70 бала катнашты. Балалар илебез тарихы, географиясенә багышланган сорауларга җавап бирде, һәр дөрес җавап баллар белән билгеләнде. Командалар Россия флагы төсләре – ак, кызыл, зәңгәр төсләренә бүленеп көч сынашты, соңыннан кәгазь битләренә төшерелгән уч төбе формаларыннан дуслык, бердәмлек билгесе булган ак күгәрчен җыелды.