Салават Фәтхетдинов: «Элиталы татар мәктәбе ачу хыялы белән яшәүчеләр бар»

Татарстан халык артистының 30 нчы концерт сезоны программасындагы төп темаларның берсе — милли мәктәпләр проблемасы. Бу хакта Салават Фәтхетдинов журналистлар белән очрашу барышында әйтте. 

Җырчы әйтүенчә, Татарстанда элиталы милли мәктәпләр булдыру идеясе белән яшәүче милләттәшләр бар.

«Бер дустым бар. Ул бай, зур кеше, үзенең йортын татар милли мәктәбенә бирергә әзер. Бу кайчан булыр, белмим. Хәзер дустым әлеге мәсьәләнең юридик ягы белән кызыксына. Мондый хыял белән яшәүчеләр күп», — дип белдерде ул.