Арча педагогия көллияте Россиядә өченче урын алды

11 – 16 сентябрьдә Анапа шәһәрендә Россиянең 17 төбәгеннән иң көчле спортсменнар ГТО  нормаларын тапшыру  буенча җыелдылар. Татарстан данын Арча педагогия көллияте командасы яклап чыгыш ясады, дип хәбәр итәләр көллиятә. Команданы  Зиннур Сәгыйтов һәм Рөстәм Зарипов  җитәкләгән.

Алты көн барган кискен көрәштә арчалылар Мәскәүнең техник коткару көллияте һәм Пермьнең олимпия резервы училищесына гына отылып III – нче призлы урынны яуладылар. 7 төр буенча шәхси беренчелектә Яруллин Ильназ – 2 урында, Галимов Нияз – 3 урында, Нуруллин Ильназ – 2 урында, Сабитова Әлфинә – 4 урында, Латыпов Ильнур – 4 урын, Зиганшина Диана – 5 урын. Яруллин Ильнур – гәүдәне алга бегү буенча – 1 урыннарны яуладылар.