Мин татарча сөйләшәм – 2017: 3 метрлы металл «Ә» хәрефе

Бу минутларда Бауман урамында «Мин татарча сөйләшәм!» акциясе башланып китте. Тукайнын туган көне һәм Туган тел бәйрәменә нәтиҗәләр ясала, бәйрәм гала-концерт белән тәмамланачак, дип белдерде оештыручылар.  Бәйрәм унаеннан махсус 3 метрлы металл «Ә» хәрефе төзелгән.

«Мин татарча сөйләшәм» акциясе быел  11 нче тапкыр уза. Бу юлы ул «Урамга чык» девизы астында үтә.

Туган тел көне уңаеннан Казанда акциянең логотибы сурәтләнгән буклетлар таратыла. Башкортостан, Марий Эл, Саратов, Ульян һәм Киров өлкәләреннән яшьләр килгән.

Бәйрәмне Нурбәк, Тәбрис Яруллин һәм Чулпан алып баралар.

Концерт программасы татар музыкасына һәм ирекле яшь башкаручыларга багышлана.

Татар блогерлары Кызык-Мызык, Булат Браво, Татар Малай.

Әдилә Заһидуллина жырлый.